LA UNION – Nagdeklara ti suspension of classes ita nga aldaw ti Martes, Agosto 23, iti amin a tukad iti public ken private schools iti lokal a gobyerno ti San Fernando City, La Union ken kadagiti 18 pay nga ili ditoy probinsiya.
Dagiti ili a nagsuspinde ti klase ket pakaibilangan idiay San Juan, Bauang, Bangar, Bacnotan, Bagulin, Caba, Santol, Sudipen, Luna, Rosario, Pugo, San Gabriel, Naguilian, ken Tubao, La Union.
Idiay ili ti Balaoan ken Agoo ket nagdeklara nga awan ti serrek dagiti agad-adal iti pre-school ken secondary level.
Bayat a maur-uray iti announcement ti LGU-Aringay ken LGU-Burgos, nu mangipatungpal ti kapada nga addang.
Iti panangideklara ti class suspension ket inyanunsiyo ti tunggal lokal a gobyerno iti bukod dagitoy a facebook account.
Daytoy ket kas paset iti precautionary measure iti posible a panagduprak ti bagyo Florita.
Karaman ti La Union kadagiti lugar nga adda iti sidong ti Tropical Cyclone Wind Signal No. 1 isunga naabiswan amin nga amin nga umili nga agtalinaed nga alerto ken nakasagana, nangruna nu pumigsa iti angin ken tudo a gapwanan ti bagyo.
Kabayatanna, dagus a nangisayangkat ti panagtataripnong idi kalman dagiti local disaster risk reduction and management council a kas ditoy siyudad ti San Fernando City ken idiay ili ti Agoo.
Daytoy ket tapno i-activate iti konseho nangruna dagiti adda dackel nga akmen na iti panagsagana tunggal adda sumangbay a kalamidad a kas iti bagyo.
Iti interview ti Bombo Radyo La Union kenni Julie Ann Hipona, agdama a City Disaster Risk Reduction Management Officer ti San Fernando, kinuna na a naka-activate itan ti konseho kadwa ti PDRRMC para kadagiti kasapolan iti panagresponde ingkaso a pumigsa ti bagyo Florita, kas koma dagiti arwaten iti panangisayangkat ti rescue effort, dagiti evacuation centers, relief goods, ken dadduma pay.
