LA UNION – Kinondenar ni Atty. Joel Gines ti Provincial Election Supervisor ditoy probisya ti La Union ti mailunglungalong a pannaka-itantan ti 2025 Barangay ken Sanguniang Kabataan Election.
Daytoy ket kalpasan a kiniddaw dagiti mammanday linteg a da Bicol Saro Partylist Representative Brian Raymund Yamsuan, Camarines Sur Rep. LRay Villafuerte ken Miguel Luis Villafuerte ti tulong ti biang ti Department of Interior and Local Government seknan ti pannaka-iyalud-od ti 2025 eleksyon.
No man pay awan ti agbalin a problema no inkaso laeng a maitantan ti 2025 Barangay ken Sanguniang Kabataan Election, inpaganetget ni Atty. Gines a no mabalbalin ket saanen tapnon maigiddan tun iti National election.
Impasigurado na pay a maiyalud-od man wenno saan ket nakasagana da latta para iti Barangay ken Sangguniang Kabataan Election.
Innayonna pay a daytoy ti umuna a gundaway nga addaan laeng ti 2 years term dagiti nabutosan ti 2023 Barangay ken Sanguniang Kabataan Election gapu ta naitantantan ti eleksyon.
Kabayatanna, ginutigot ni Atty. Gines iti publiko a no adda dagiti maiwayat a voter’s registration ket gundawayan da gapu ta apaman nga agngudo ti rehistrasyon inton Setyembre 30, 2024 ket saan dan nga mang-entertain.
