LA UNION – Nagpannuray dagiti La Union Surfers iti Open Long Board Competition iti 3rd Leg ti 2023 La Union NextGen Pilipinas Surfing National Tour a maisay-sayangkat idiay Baler, Aurora.
Inabak ni Rogelio “Jay-R” Esquivel iti bukodna a kabsat a ni June Esquivel, iti finals ti Men’s Open Long Board Competition.
Maipalagip a nangaramid ti pakasaritaan ni Jay-R iti tay-ak ti surfing kas kaunaan a Pilipino a na-qualify iti World Long Board Tour ti World Surfing League, idi mangabak daytoy iti WSL Padrol Long Board Classis idiay Bali, Indonesia idi Hunyo 2023.
Kabayatanna, kampeon met ni Daisy Valdez iti Women’s Long Board Competition kontra iti kada Mara Lopez, Ashlee Lopez ken Antoinette Valdez.
Daytoy ti maudi a pannakipaset ni Daisy iti National Tour sakbay a sumalip iti kompetisyon idiay South Korea ita a tawen.
