Kinondenar ti labour groups ti General Appropriations Act (2025 National Budget) nga inaprobaran ti Kongreso.
Nadumaduma a grupo ti trabahador, partikular ti partido ti mangmangged, ti mangsuppiat iti desision a zero subsidy iti Philippine Health Insurance Corporation wenno PhilHealth a pakaikabilan amin a subsidio iti Ayuda sa Kapos Ang Kita Program wenno AKAP, Assistance to Individuals in Crisis Situation wenno AICS, Tulong Panghanapbuhay sa Ating Disadvantaged/Displaced Workers wenno TUPAD ken kompidensial a pondo nga ibilbilang da a maysa a klase ti trapo.
Kiniddaw ti grupo nga i-veto ti naaprobaran a GAA ti BiCam no sadino a rumbeng a mailatang ti PhilHealth iti pondo iti sidong ti 2025 national budget para iti pagimbagan ti publiko.
Kiniddawda pay nga agikkat ni Health Secretary Ted Herbosa tapno mabaliwan ti sistema ken ma-revamp dagiti board members ti PhilHealth.
Kasta met a kiniddaw pay ti grupo a maikkat dagiti kompidensial a pondo saan laeng nga iti Opisina ti Bise Presidente, no di ket manipud kadagiti amin nga ahensia ti gobierno.
Mainaig iti daytoy, mangisayangkat dagiti naduma-duma a labor groups idiay Quezon City iti protest action a sarunuen ti dakkel a rally idiay Senado inton Miyerkules.
