LA UNION – Nagayosen ti lahar a naggapo iti Mt. Kanlaon idiay La Castellana, Negros Occidental itay malem ti Miyerkules.
Daytoy ket kalpasan a bimtak ti bulkan idi rabii ti Lunes, Hunyo 3, 2024.
Agtultuloy iti evacuation dagiti residente nga agnanaed kadagiti barangay nga apektado ti lahar.
Kabayatnna, agtul-tuloy iti panagitulod ti tulong ti Philippine Red Cross (PRC) kadagiti pamilya nga apektado ti Kanlaon Volcano eruption.
Nangibunong ti PRC iti nasurok 250 a tattao iti evacuation center idiay Negros Occidental ken Negros Oriental nga apektado ti panagbettak ti bulkan.
Nangimuntar da pay iti volunteers ti first aid ken welfare stations idiay La Carlota ken La Castellana evacuation centers.
Segun kenni PRC Chairman ken CEO Richard Gordon, malaksid iti taraon ken psychosocial support, nangibunong pay dagiti volunteer ti N95 masks iti regional health unit ti Negros Oriental.
