LA UNION – Dead on arrival iti pagagasan ti maysa a 78-anyos a lolo kalpasan a nagdidinnungpar ti dua a tricycle ken maysa a kotse idiay Barangay Lingsat, San Fernando City, La Union.
Nabigbig ti biktima a ni Geronimo Martinez.
Maibasar iti imbestigasion ti pulisia, naamuan a daldalyasaten ti dua a tricycle a minaneho da Allan Martinez ken Albert Failano ti nasao a kalsada idi kellaat a nag-overtake ti sumarsaruno a kotse a minaneho met ni Carl Austria.
Saan a nadlaw ni Austria ti kellaat a panag-overtake ni Failano iti immuna a tricycle a rason ti aksidente.
Gapu iti kinapigsa ti impact ti panagdidinnungpar dagiti behikulo ket naipurwak iti kalsada a Failano ken Martinez a pasahero ti maysa kadagiti tricycle ken nabanag daytoy iti ipapatay ti biktima.
Agtultuloy ita ti imbestigasion iti nasao nga insidente.
