LA UNION – Agladladingit iti pamilya ti maysa a 38-anyos a lalaki kalpasan a maipagarop a negbekkel babaen iti nausar a tali idiay Sitio Mino, Barangay Daramuangan, Naguilian,La Union.
Iti biktima ket makunkuna a maysa nga LTO agent, addaan asawa ken residente ti nasao a lugar.
Maibasar iti report, alas sais ti agsapa idi Mayo 11, nakita laengen ti maysa a managan Chris Villanueva iti biktima a nakabitin iti terrace ti pagtaengan da.
Dagus a nagkiddaw ti tulong ni Villanueva ket naiturong ti biktima idiay Naguilian District Hospital ngem naideklara a pimmusay babaen kenni Dr. Diana Jane Estacio.
Nagkedked met iti pamilya ti biktima nga ipasidong daytoy ti autopsiya.
