LA UNION – Nakasadag kenni President Rodrigo Duterte iti pannakaipatungpal ti maikadwa a P1000 increase iti aw-awaten a pension dagiti retired SSS members.
Daytoy ti kinuna iti Bombo Radyo La Union ni SSS Branch Head Francisco Pentecostes.
Segun kenni Pentecostes, a nakadepende kenni President Duterte iti maikadwa a tranche ti P2000 nga SSS pension increase.
Maipalagip a naaprubaran iti P2000 increase a pension benefits dagiti retirees idi panawen ti sigud nga administrasyon Aquino.
Ngem naipatungpal iti umuna wenno initial a P1,000 additional monthly pension benefit dagiti retired pensioners idi tawen 2017, iti sidong ti Duterte administration.
Iti second installment iti nasao a benipisyo ket naikari a maited idi koma tawen 2019, ngem nalapdan idi 2020 gaputi kinakurang ti pondo iti SSS.
Base iti report, bimmaba ti 37 percent iti net income ti SSS idi 2017 wenno kaibatugan daytoy iti P20.3 billion a pukaw iti SSS fund.
Mainaig ti daytoy, mangnamnama dagiti SSS pensioners a maipatungpal ti 2nd tranche a pension increase sakbay a bumaba iti puwesto ni President Duterte inton bulan ti Hunyo agdama a tawen.
