LA UNION – Tinakderan ni Bamban,Tarlac Mayor Alice Guo nga awan pakainaiganna iti anyaman a Philippine Offshore Gaming Operators (POGOs) operations ken anyaman nga illegal nga operasyon a pakaibilangan ti pannakaraut ti Zun Yuan Technology Incorporated.
Iti pab-pabasolenna nga adda sung-sungbatanna kadagiti nasao nga isyu ket iti Philippine Amusement and Gaming Corporation(Pagcor) a mangreg-regulate kunana kadagiti POGO.
Segun kenni Guo, agtultuloy a mairam-raman ti nagan na iti laksid nga inosente a kunana, idinto a ti pudpudno nga isyu iti pannakaraut ti Zun Yuan Technology Incorporated ket gaputi reklamo a human trafficking ken serious illegal detention, a saan ketdi nga isuna.
Imbaga pay ni Guo nga awan iti bileg ti Local Government Unit (LGU) iti POGO operations. gaputa iggem kunana ti PAGCOR , gaputa daytoy ti mangreg-regulate ken agiyis-isyu ti license to operate.
