LA UNION – Naawagan a maysa a ‘milagro’ iti saan a pannakairaman ti maysa a simbaan a napuoran idi dimmuprak ti deadly wildfire idiay ili ti Lahaina, Western Maui idi Agosto 11, 2023.
Iti Maria Lanakila Catholic Church, a naipasdek idi 1846, ket nakakas-kasdaaw a saan a nadadael wenno nauram, idinto nga amin a pasdek ken istruktura iti aglawlaw daytoy ket dimmapo.
Segun kenni Bombo International News Correspondent Paul John Castillo, iti nasao a simbaan ket masarakan idiay Lahaina, iti ili a kangrunaan a dinuprak ti wildfire, ken umabot metten ti nasurok 90 dagiti natay iti nasao laeng a lugar.
Iti kaipapanan ti Maria Lanakila ket Our Lady of Victory, daytoy ket agserserbi a symbol of hope kadagiti residente sadiay.
Segun kenni Castillo kas maibasar iti waragawag dagiti maseknan nga opisyal, daytoy iti maibilang a deadliest wildfire iti pakasaritaan ti Hawaii ken deadliest disaster iti US state’s history.
Dagiti timpuar a wildfire idiay Lahaina, Kihei, ken Upcountry Maui ket 50-80% metten a na-contain, ngem nagresulta daytoy iti evacuation dagiti ribu a residente, agraman dagiti bisita ken turista.
Innayon pay ni Castillo, nga agingga ita, nakarikep pay laeng dagiti kangrunaan a kalsada idiay Lahaina ken saan a mapalubosan dagiti tattao nga agsubli iti babbalay, nangruna nu awan ti pammaneknek nga ipakita dagitoy a residente da iti nasao a lugar.
Iti deadly wildfire ket rinub-ruban iti dimmpurak a Hurricane Dora, maysa a category four storm a dimmuprak idiay Hawaii, a segun kadagiti meteorologists, iti kabuyog daytoy nga angin a dimmanon iti 100 kilometers per hour (62 miles per hour) iti nangpa-dackel ti apoy.
