Naarestar iti maysa a lalaki idiay Long Beach, California idi Biyernes gapo iti maipagarop a panangipatulod ti kwarta ken panangideklara ti suportana iti Islamic State of Iraq and Syria (ISIS).
Nabigbig iti lalaki a ni Mark Lorenzo Villanueva, 28-anyos, ken residente ti nasao a lugar.
Maibasar iti statement manipud iti U.S attorney’s office, maipagarop a nakikoordinar ni Villanueva kadagiti dua a self-identified ISIS fighters babaen iti social media.
Iti nasao nga online communication ket nagsapata daytoy ti alyansa ken nangipeksa ti tarigagay a lumaban para iti nadakamat a terrorist organization.
“It’s an honor to fight and die for our faith. It’s the best way to go to heaven”
“Someday soon, I’ll be joining.”
Idi bulan ti Pebrero, nangidiaya ni Villanueva iti maysa kadagiti self-identified fighters ti kuarta babaen iti maysa nga intermediary a mangdamdamag no makatulong daytoy a mangbayad kadagiti resources ti ISIS.
Nangipatulog isuna ti agarop $1,615 wenno katukad ti P93,000 iti las-ud ti lima a bulan babaen dagiti dua nga intermediaries nga adda iti ballasiw-taaw kas maibasar iti records ti Western Union.
Kabayatanna, dinakamat pay ni Villanueva iti panakikomunikar na online a nagtagikua isuna bomba ken kutsilyo, banag a narekobre dagiti kameng ti FBI iti mismo a pagtaengan ti suspek.
Innayon pay ti U.S attorney’s office, lawful permanent resident ni Villanueva iti Pilipinas.
Iti agdama, nakaswan isunan ti panaggandat a mangipaay ti material a suporta iti maysa a foreign terrorist organization – maysa a kaso nga addaan ti potensyal a sentensya ti agingana 20 a tawen iti federal prison – ken iti panangiwaras ti impormasyon mainaig iti maysa a destructive device.
“Supporting a terrorist group, whether at home or abroad, is a serious risk to our national security,” U.S. Segun kenni Atty. Bill Essayli iti maysa nga statement.
“We will aggressively hunt down and prosecute anyone who provides support or comfort to our enemies.”
Maipalagip a maysa nga agtawen ti 19 a nangibagi iti ISIS ken sigud a myembro ti Michigan Army National Guard iti naarestar kalpasan ti panag-gandat na a mangipatungpal ti plano a mangisayangkat ti nalawa a pammaltog wenno ‘mass shooting’ iti maysa nga US military base idiay Michigan.###
