BR LA UNION – Maysa a menor de edad iti maipagarop a nalmes iti karayan gapu iti napegges nga ayos ti danum iti karayan idiay Sitio Bayoyo, Barangay Apayao, San Gabriel La Union.
Iti biktima ket maysa nga ubing a babai, agtawen ti 9, grade-3 student, ken residente ti nasao a lugar.
Maibasar iti report ti San Gabriel Police Station, agarop alas 4:30 ti malem idi Biyernes, Hunyo 27, naka-awat da iti report manipud Municipal Disaster Risk Reduction and Management Office (MDRRMO) ti San Gabriel nga adda insidente ti pannakalmes.
Maibasar iti inisyal nga imbestigasyon dagiti otoridad, iti biktima kadwa na ti klasmeyt na ket nagturong da iti karayan tapno agdigos.
Idi timmapog ti biktima iti karayan, maipagarop nga inyanod ti napegges a danum iti karayan iti palaud a direksiyon.
Kimmiddaw ti tulong iti classmate ti biktima ket nagresponde a dagus ti San Gabriel Municipal police station, kadwa da ni Mayor Lany Carbonell, dagiti kameng ti MDRRMO ken Bureau of Fire Protection.
Nangisayangkat dagitoy ti search and rescue operation tapno sapolen iti bagi ti biktima.
Padaanan ti pagdur-dur-asan daytoy a damag.
