LA UNION – Malaksid iti panangparnuayna iti riribuk ket nakemmeg ti maysa a lalaki idiay ili ti Naguilian gapu iti panagpaputokna iti paltog.
Immuna iti daytoy, inreklamo dagiti residente ti suspek a ni Ricarte Abines, 46-anyos,a ddaan iti asawa, karpintero ken residente iti Mamat-ing Norte gapu iti panagpagungganna.
Maibasar iti reklamo ti biktima, ginandat isuna a paltogan ti suspek iti namitlo a daras ngem saan a pimmutok ti paltog daytoy isu nga impang-orna laengen iti ulona ti igam a maysa a home-made shotgun wenno sumpak.
Iti panagreponde dagiti otoridad, natiliw ni Abines ken naala kenkuana ti paltog, ken bala ti 12-gauge shotgun.
Sumangsango metten daytoy iti agtutuon a kaso ti frustrated murder ken panaglabsing iti RA 10591 wenno illegal a panagikut iti igam, bayat a dumanon iti P200, 000 ti naituding a piansa para iti pannakawaya-wayana.
