LA UNION – Nasarakanen iti bagi ngem maysan a bangkay ni Jared Abenoja, katorse anyos, kalpasan a naisadsad daytoy iti igid ti baybay idiay Barangay San Agustin, San Fernando City, La Union agarop alas 4:45 idi malem kalman, Hulyo 18, 2023.
Idi kalman ket nakaawat ti impormasyon ti San Fernando City Police seknan iti nasarakan a bagi ti tao iti nasao a paset ti kabaybayan.
Dagus met nga impaka-ammo daytoy dagiti otoridad iti pamilya ni Jared ket kinumpirma da a bangkay daytoy ti mapukpukaw a barito.
Immunan a naipadamag a nalmes ken mapukpukaw ni Jared idi Lunes, Hulyo 17 iti kabaybayan a sakop ti Barangay Taberna, Bauang, La Union.
Naiturong iti bangkay iti maysa a punerarya idiay ili ti Bauang,La Union.
