Nasurok a maysa a trilion a pisos ti budget ti Department of Public Works and Highways (DPWH) para iti tawen 2025.
Maibasar iti napagnunumuan iti Bicameral Conference Committee, naikkan ti DPWH iti alokasion a ₱1.113 trilion inton sumaruno a tawen manipud iti orihinal a singasing a budget nga ₱825 billion.
Inlawlawag met ni Senate Committee on Finance Chairperson Grace Poe ti mainiag iti daitoy, kinunana a gapu ta dagiti foreign assisted projects wenno dagiti proyekto a naipautang kadagiti sabali a pagilian ket financed babaen ti programmed funds ken kasapulan ti matching funds manipud iti gobierno.
Kinuna ni Poe nga adda bukodda nga ammendments nga inserrek dagiti lehislador ken pinilida no ania a proyekto ti kasapulan a mapondoan.
Innayon ni Poe, no maipapan kadagiti flood control projects ti DPWH, nangikabilda kadagiti guidelines para iti panangmonitor iti progreso dagiti dagitoy a proyekto a maaramid.
