LA UNION – Umabot iti nasurok 10 a tattao ti natay idiay India.
Sumagmamano kadagiti nailista a natay ket manipud iti government hospital idiay Odisha’s Rourkela bayat a tallo nga election officers ken maysa a pulis idiay Bhojpur district ti natay gaputi heat stroke.
Daytoy ket kalpasan a dumanon iti 45-46°C iti temperatura, ngem nangat-ngato pay iti napalabas a 50°C ti heat index iti sumagmamano a lugar iti nasao a pagilian.
Nagiddanan pay daytoy iti panagpukaw ti kuryente ken kinakurang ti danum.
Gaputi dayta, ibilang ti India’s National Centre for Disease Control iti heat stroke kas maysa a “life-threatening” nga addaan ti mortality rate a 40 to 64%.
