Nalapdan ti Bureau of Customs-Ninoy Aquino International Airport (BOC-NAIA) dagiti parcels a naglaon iti 323 grams ti maatap a high-grade marijuana wenno kush nga aggatad ti nasurok P4.5 million iti Central Mail Exchange Center idiay Pasay city.
Sigun iti Bureau of Customs (BOC), ti nasao a parcel ket nakargaan iti label kas maysa a regalo manipud idiay Toronto, Canada ken naka-address daytoy iti maysa nga indibidual idiay Quezon City.
Nupay kasta, naduktalan daytoy dagiti otoridad a kontrabando ti nilaon daytoy.
Gapu iti dayta, dagus a naireport kadagiti otoridad para iti naan-anay nga imbestigasyon.
Iti agdama, sumangsango iti kaso ti nasao nga indibidual a nakasurat iti nasao a parcel gapu iti panaglabsingna iti Comprehensive Dangerous Drugs Act of 2002 (RA No. 9165), ken ti Customs Modernization and Tariff Act (RA No. 10863).
