LA UNION – Sinertipikaran ni President Ferdinand Marcos Jr kas urgent iti panangipasa ti House Bill 10800 wenno 2025 General Appropriation Act (GAA) a mangipaay ti P6.532 trillion national budget para iti sumaruno a tawen.
Kinuna ni House Speaker Martin Romualdez, a siguradwen ni Presidente Marcos Jr. a saan nga agbalin a lapped iti budget kadagiti kritikal a trabaho ti gobyerno.
Iti nasao a mensahe ket naibasa iti plenary session kalpasan iti agtultuloy a panangtalantan iti budget ti naduma-duma nga ahensiya ti gobyerno.
Immunan nga imbaga ni ni Romualdez a plano ti House nga aprubaran iti maikatlo ken final reading iti proposed 2025 GAA ita nga aldaw, Setyembre 25.
Iti proposed 2025 budget ket 9.5 percent a mas nangat-ngato kumpara ita a tawen nga agbalor ti P5.268 trillion.
