LA UNION – Ballaigi ti naiwayat a Marijuana Eradication Operation iti Tri-Boundaries ti Ilocos Sur, La Union ken Benguet idi Abril 16, 2024.
Babaen ti nagtitipon a pwersa ti PDEA RO I -Regional Special Enforcement Team, PDEA Cordillera Administrative Region-Land Transportation Interdiction Union , La Union Police Provincial Office – Provincial Drug Enforcement Unit , 1st La Union Provincial Mobile Force Company, ken Santol Police Station, insayangkat da ti operasyon iti tri-boundaries ti Sugpon Ilocos Sur; Kibungan Benguet ken Santol, La Union.
Segun kadagiti otoridad, agarop alas 4 ti agsapa idi Martes idi nakadanun da iti nasao a lugar.
Maibasar iti record ti PDEA ROI umabot ti nine million three hundred twenty thousand pesos (P9,320,000.00)
iti gatad dagiti marijuana plant a pinarot dagiti ororidad.
Segun kenni PDEA Region One Director Joel Plaza, nasurok-kumurang 46,600 a piraso ti fully grown marijuana plants iti naparot manipud kadagiti uppat a plantasion sites, nga aglawa ti 4,000 square meters.
Dagus met nga inuram dagiti otoridad dagiti naparot a marijuana.
