LA UNION – Pormal nga indeklara ti Philippine Atmospheric, Geophysical and Astronomical Services Administration (PAGASA) a rugin ti tiyempo ti panagtutudo wenno rainy season.
Segun iti PAGASA, nakapadas ti panagtudo iti napalabas nga aldaw iti lumaod a paset ti Luzon ken Visayas gaputi mawaras-waras a panagtudo, masansan a panaggarru-od ken panagkimat, panaglabas ti bagyo Aghon, ken panagraira ti Southwest Monsoon wenno Habagat.
Inlawlawag ti PAGASA a ti La Niña phenomenen ket posible a mabukel pay laeng inton July-August-September period, a mangigubway ti above-normal rainfall conditions iti sumagmamano laeng a -paset it pagilian.
Nupay kasta, imbaga ti state weather bureau, nga adda “break” iti panagtudo a posible a dumanon iti sumagmamano nga aldaw wernno lawas.
