LA UNION – Maragsakan dagiti cooked food vendors iti night market ditoy syudad ti San Fernando, La Union a sumay-sayaat manen iti taray ti negosyo dagitoy wenno panaglakwan ti naluto a taraon.
Iti interview ti Bombo Radyo kenni Liezel Monotilla, Urban Food Park President, madlawan da a puminpintas metten ti panaglako nu ikumpara iti napalabas a bulan, gaputi epekto iti naipatungpal a quarantine measures.
Nupay kasta, kinuna ni Monotilla a laksid a limmukayen dagiti restrictions iti COVID-19 response, agtultuloy latta iti panangipatungpal ken panangsurot dagiti naiyetnag a health protocols wenno minimum health standards kontra iti sakit a COVID-19.
Pakaibilangan ditoy iti panagsuot ti face mask, social distancing, ken maipawil pay laeng dagiti ubbing wenno menor de edad nga agturong iti nasao a lugar.
