LA UNION – Nakairekord iti intero a rehiyon uno ti innem a kaso ti drowning accident wenno pannakalmes no sadino dua a biktima iti natay ti kalkalpas a semana santa.
Iti pannaki-uman ti Bombo Radyo La Union ken ni Coast Guard Ensign Ivan Rillon, assistant operations officer ti coast guard district northwestern luzon, nakairekord ti Pangasinan ti tallo, dua ti La Union, ken maysa ti Ilocos Sur.
Segun kenkuana, gapu iti impluwensiya ti arak ken panangbaybay-an dagiti nagannak dagiti ubbing iti rason dagiti napasamak a drowning accident.
Ti nasao a bilang, dua iti natay a napasamak idiay San Fabian Beach ken San Roque Dam, idinto dagiti dadduma ket naisalakan dagiti otoridad isu a naikkan ti first aid sakbay a naipan ti hospital gapu dagiti sinagrapda a dunor ken trauma.
Gapu dayta, nagpalagip ni Rillon kadagiti nagannak a saan a baybay-an dagiti ubbing a maymaysa nga agdigus ti kabaybayan gapu ta iti kaubingan a nairekord ti drowning accident ita a semana ket agtawen iti uppat.
Inyunay-unay na pay a masapul a makitinnulong kadagiti otoridad ta iti safety iti tunggal maysa ket saan laeng a responsibilidad ti coast guard ken dadduma nga ahensiya.
