Binisita ti Philippine Navy (PN) dagiti navy personnel a nakabase iti kaadaywan a paset ti Pilipinas iti Northern Luzon.
Indauluan ni Naval Forces Northern Luzon (NFNL) Commander, Commodore Edward Sagon ti biahe nga agturong iti northernmost detachment ti Philippine Navy sadiay Batanes.
Nagturong ti opisial ti Philippine Navy kadagiti nadumaduma a detachment iti amianan a paset ti Pilipinas kas iti 30th Marine Company iti Basco ken ti Marine Detachment idiay Itbayat.
Dagiti kasta a detachment ti mangbantay kadagiti danum a sakupen ti Pilipinas iti Amianan a Luzon kas iti Luzon Strait – ti taaw a mangisina iti Pilipinas ken Taiwan.
Daitoy a taaw ket mangisilpo ti West Philippine Sea iti western seaboard ken ti Philippine Sea iti eastern seaboard ti pagilian.
Binigbig ti PN ti sakripisio ken dedikasion dagiti navy personnel ken soldado a kanayon a mangbanbantay iti kasta a teritorio ti pagilian ken kadawyan a saan a makaaw-awid iti bukodda a lugar tapno selebraran ti piesta.
