LA UNION – Maysa a milion walo gasut a ribo a pisos ti balor ti tubular formed marijuana leaves, stalk ken fruiting tops ti nakumpiskar bayat ti panangisayangkat ti buy-bust operation dagiti nagtipon nga operatiba ti Philippine Drug Enforcement Agency- La Union Provincial Office (PDEA LUPO), PDEA Regional Special Enforcement Tean (PDEA RSET), PDEA Cordillera Administrative Region Land Transportation Interdiction Unit (PDEA CAR LTIU), Baguio-Benguet Provincial Office (PDEA BBPO), ken Kibungan Police Station.
Nabigbig ti suspek a ni Rustom Lao-an Jacinto, agtawen iti duapulo ket pito.
Nakumpiskar manipud kenkuana iti nasurok-kumurang a 15 kilograms ti napagango a marijuana leaves, fruiting tops, stalks rolled, ken tubular formed nga aggatad ti P1.8 million pesos; maysa a brown envelop; maysa a Van; Driver’s License; ken buy-bust money.
Sumango ti suspek iti kaso a panaglabsing ti RA 9165 wenno The Comprehensive Dangerous Drugs Act of 2002, ken nakabalud itan idiay PDEA CAR detention facility iti Camp Bado Dangwa, La Trinidad, Benguet.
