LA UNION – Kabilang iti Pilipinas kadagiti 90 a pagilian a nakipaset iti Ukraine peace summit a naisayangkat idiay Buergenstock, Switzerland.
Nagu-ummong dagiti lider ti naduma-duma a pagilian tapno maaddaan ti consensus seknan iti peace proposal ti Ukraine.
Ni Presidential Adviser on Peace, Reconciliation and Unity Secretary Carlito Galvez Jr. iti nangibagi kenni President Ferdinand Marcos iti naisayangkat a peace summit.
Saan a dimmar-ay iti nasao nga event iti China.
Naisentro ti peace summit iti isyu seknan iti giyera, taraon ken nuclear security.
Kiniddaw met iti Turkey ken Saudi Arabia a mangisayangkat ti maysa pay a panagtataripnong tapno makipaset ti Russia iti napnuan pakasaritaan a panagdur-as.
Para kenni Ukrainian President Volodymyr Zelenskyy nagballaygi ti peace summit gapu kadagiti dimmar-ay a world leaders a maibilang a pakasaritaan.
Saan met a nakadar-ay iti nasao a peace summit ni US President Joe Biden ngem impatulod na ni US Vice President Kamala Harris.
Iti bisperas ng summit, kinuna ni Russian President Vladimir Putin a gibusan ti Russia iti gubat nu umannugot ti Kyiv nga isardeng ti ambisyon na iti NATO ket iyawat na iti uppat a probinsya a tag-tagikuwaen ti Moscow.
Ngem pinagkedkedan a dagus daytoy ti Ukraine ken dagiti kaalyado na.
