LA UNION – Sipapanakkel nga inwaragawag ti Department of Health (DOH) – Ilocos Region (La Union, Pangasinan, Ilocos Sur, Ilocos Norte) a nagun-od ti rehiyon uno iti top spot kabayatan ti “Bayanihan, Bakunahan 3” National Vaccination Days (NVD) a naisayangkat idi February 10-18, agdama a tawen.
Base iti datos ti DOH-Region 1, pakabuklan a 203,502 (97.86%) jabs iti nabakunaan manipud iti target a 207,954 individuals.
Gaputi daytoy, nagyaman ni DOH Regional Director Paula Paz M. Sydiongco iti saan a matawaran a panagtrabaho dagiti health workers, nangruna iti local level.
Kinunana a laksid iti kaadu ti trabaho, stress ken risko iti infection, naaramid latta dagiti health workers iti nang-suporta iti naisayangat a vaccination effort.
Kabilang pay a pinagyamanan ni Sydiongco dagiti barangay health workers a nagbalin a napateg ti papel da, tapno ipakaawat kadagiti tattao iti panangakseptar iti bakuna, banag a nagtalek ken namati iti komunidad.
Kabayatanna, iti probinsiya ti Ilocos Sur ket naartapan na iti target a bilang dagiti mabakunaan.
Manipud iti 33,285 total target ket nagbalin a 40,422 wenno kaibatugan ti 121.44% iti pakabuklan a nabakunaan.
Sumaruno iti Ilocos Norte a nakapag-bakuna iti 33,122 wenno kaibatugan ti 110.75% a total jabs manipud iti 29,907 targets.
Uray iti Dagupan City idiay Pangasinan ket naartapan na iti target nga 8,077 kalpasan a nakapagbakuna iti 9,729 nga indibiduwal wenno kaibatugan ti 120,45%.
Iti Pangasinan ket nakapag-bakuna ti pakabuklan a 90,336 wenno kaibatugan ti 89.02% individuals manipud iti 101,484 targets bayat nga iti La Union ket nakapag-bakun ti 29,893 wenno kaibatugan ti 84.92% persons manipud iti 35,201 targets.
