Nagtitipon dagiti rinibo a redheads idiay Tilburg, Netherlands para iti tinawen a selebrasyon ti naidumduma a kolor ti buokda.
Iti termino a redheads ken mangiladladawan iti gingerbrown, lumabbaga, wenno reddish-brown a kolor ti buok.
Paset ti 2025 Edition ti Redhead Days festival iti musika, food trucks, ken workshops a nakapamaysa iti pagkasapulan da, manipud iti makeup agingana iti panangliklik iti skin cancer.
Maysa kadagiti dimmar-ay ket ni Daniel Hank, maysa a magician, nagbiahe daytoy iti innem nga oras manipud Germany tapno makipaset iti panagrambak ken iparangarang iti kolor ti buok na a target ti bullying idi ubing isuna.
Kabayatanna, libre ken silulukat iti amin daytoy nga event ngem para laeng kadagiti “natural” wenno dagiti pudpudno a redheads.
Idi 2013, nakagun-od iti nasao a pasken ti Guinness World Record para iti “largest gathering of people with natural red hair” a dinar-ayan dagiti sangaribo innem a gasut ken pito pulo ket dua nga indibidual a nagpose para iti group photo.
Nangrugi iti tradisyon dua a dekadan iti napalabas idi nagbirok ti Dutch artist a ni Bart Rouwenhorst ti sangapulo ket lima a modelo para iti maysa nga art project ti newspaper. Nakagun-od daytoy ti sangapulo a daras nga ad-ado maiyarig iti namnamaen na a bilang.
Gaputi proyekto a nakaala ti ado nga atensyon ket nagdesidido ni Rouwenhost nga agorganisa ti kapada a panagtitipon iti sumaruno a tawen ken nagtultuloy agingana iti agdama.###
