Linuktanen ti Korte Suprema (SC) ti aplikasion para iti 2025 Shari’ah Special Bar Exams (SSBE) ken agpaut agingga inton Pebrero 28, 2025.
Segun kenni 2025 Shari’ah Special Bar Exams Chairperson, SC associate Justice Antonio Kho Junior, ti laeng BARISTA ti pakapilaan iti amin nga aplikasion ken mabalin a mastrek daytoy babaen ti Philippine Judiciary Portal (PJP).
Maibasar iti SC’s Bar Bulletin Number 2, dagiti aplikante ket mabalinda ti mangpartuat kadagiti personal a PJP account-da babaen ti panangusar iti personal e-mail address.
Apaman a malpas ti aplikasion, kasapulan nga i-upload dagiti aplikante ti nalawag ken mabasa a kopia dagiti supporting documents.
Karaman kadagiti umuna a listaan dagiti lugar a matmatan ti Shari-Ah Bar ket idiay Siudad ti Cagayan de Oro, Siudad ti Davao, Siudad ti Quezon ken Siudad ti Zamboanga.
Mabalin met a pilien dagiti examiners no kayatda ti ag-exam babaen ti English wenno Arabic language.
Dagiti aplikante a pumili ti Arabic ket ma-assign ti maysa nga testing center sadiay Quezon City.
