LA UNION – Makaswan iti supporter nu daytoy iti naimatangan a nangiyawat ti kuwarta wenno alikamen iti maysa a botante, kasukat ti pabor a panangibotos ti maysa a kandidato.
Daytoy iti sungbat ni Atty. Reddy Ceralde Balarbar, agdama nga Assistant Regional Election Director ken Acting City Election Officer ditoy siyudad ti San Fernando, iti salodsod nu anya ti mapasamak ingkaso a sabali a tao iti nangaramid ti vote buying.
Iti agdama, agtultuloy a makomikom ti komisyon iti panagsagana para iti masungad nga eleksiyon inton Mayo 9, 2022.
Segun kenni Atty. Balarbar, ar-aramiden da amin a kabaelan da tapno agbalin a naannayas iti panangisayangkat ti eleksiyon ditoy lokalidad kagiddan iti palagip na kadagiti botante, nga agsagana met dagitoy tapno napartak ti panagbotos inton madanon ti aldaw ti eleksiyon.
