LA UNION – Bagsak presyo ita ti tarong gaputi limitado a garaw dagiti tattao gapwanan iti agraraira pay laeng a COVID-19 pandemic.
Kinuna iti Bombo Radyo La Union ni Barangay Captain Ruel Bautista ti Barangay Casilagan, Naguilian, nababa unay ita ti presyo ti tarong, a dimmanon pay kunana iti P3 kada kilo iti angkat kadakuada dagiti komersiyante, isunga ipak-pakanda laengen iti nuang.
Istorya ni Kapitan Bautista a maysa met laeng a mannalon, iti ibagbaga kadakuada dagiti komersiyante ket nakapsot ti panaglakwan kadagiti merkado publiko gaputa limitado laeng dagiti sumsumrek a tattao, gapu kadagiti maipatpatungpal a restrictions iti pananglaban ti COVID 19.
Gaputi dayta, nababa unay iti presyo a panagangkat dagiti komersiyante, partikular dagiti middle man.
Innayon pay ni Bautista, nga nu iti angkat dagiti komersiyante ket P15-P20 kada kilo wenno nangatngato pay ket saan a malugi ti mannalon.
