BR LA UNION – Arestado iti dua a drug suspect iti insayangkat dagiti otoridad nga anti-illegal drug buy-bust operation, iti baetan ti oras nga alas 3:00 PM ken alas 5:00 ti malem idi Hunyo 25, 2025 idiay Barangay Catbangen, City of San Fernando, La Union.
Iti operasyon ket indaulwan ti San Fernando City Police Station, iti tulong ti dadduma pay a law enforcement unit ken Philippine Drug Enforcement Agency Regional Office 1 (PDEA RO1).
Dagiti suspek ket maysa a 26-anyos nga air conditioning technician manipud Brgy. Catbangen ken 35-anyos a construction worker manipud Brgy. Parian, San Fernando City.
Kinumpiskar dagiti otoridad manipud ti ikot dagiti suspek iti innem a babassit a heat-sealed transparent plastic sachet ti maatap a shabu, agdagsen amin ti 5.5 grams, mapatta-patta nga agbalor ti ₱37,400
Karaman pay a nakumpiskar dagiti non-drug evidence a narekober a kas ti (1) genuine ₱1,000 bill a nausar kas buy-bust money ken maysa (1) nga small blue box.
Maiyannurot iti legal procedures, naisayangkat iti inventory ken panang-marka dagiti nakumpiskar a droga ken non-drug items iti imatang dagiti suspek ken dadduma pay a witnesses, kas mandato ti linteg.
Nairecord ti operasyon dagiti otoridad babaen ti body-worn cameras (BWC).
Dagiti suspek ket naiturong nga immuna iti City Health and Wellness Center para iti medico-legal examination, sakbay a nai-turnover iti San Fernando City Police Station para iti umno a disposisyon.
Sumangsango dagitoy ti kaso a panaglabsing ti Comprehensive Dangerous Drugs Act of 2002.
