Nailista ti Thailand ti kaunaan a casualty ti anthrax kalpasan a kumpirmaren ti opisyal da dagiti dua a kaso ti impeksyon ken ginasut a posile a na-expose iti bacteria.
Segun iti gobierno ti Thailand, mapatta-patta a 638 nga tattao ti posible a na-expose, kaadwan kadakuada ket nangan ti kinilaw a karne ti baka. Manipud iti daitoy a bilang, 36 ti timmulong a nagparti iti ayup bayat a ti dadduma met ket naikkan laeng ti antibiotics kas paset ti containment measures.
Nagdeklara metten ti Department of Livestock ti 5-kilometer quarantine zone iti aglawlaw ti lugar ti impeksyon ken plano da a bakunaan ti agingga 1,222 a baka, nupay awan met met kadagitoy nga ayup ti makitkitaan ti sintomas wenno saan a mailawlawag a pannakatay.
Kabayatanna, iti anthrax ket maysa a ‘rare but serious bacterial disease’ a maal-ala babaen ti contact wenno panagaan ti kontaminado a karne, ngem saan met a makaakar daitoy ti tao ken tao.
Naaddaan ti kaso ti anthrax iti Thailand idi pay tawen 2017 ken ita laeng nga adda nailista da a pimmusay.
Kasaruno ti panagngato ti kaso ti anthrax iti rehiyon — kas kadagiti 129 a kaso ken maysa a casualty idiay Laos idi napalabas a tawen ken 13 a kaso idiay Vietnam idi Mayo 2023 – agtultuloy iti panagbantay ti Thailand, nangruna kadagiti border area ti pagilian.
