LA UNION – Nakemmeg ti maysa a tricycle driver iti naisayangkat a buy bust operation idiay ili ti San Juan.
Nabigbig ti suspek a ni Jonathan Manipon, 43-anyos, addaan ti asawa, residente iti Barangay Ili Sur.
Iti insayangkat nga operasion dagiti otoridad idiay Barangay Urbiztondo ket naala ken ni Manipon ti dua a pakete ti sigarilio a naglaon iti sag-tallo a sachet ti shabu ken marijuana, ken maysa pay a naisina a sachet a naglaon iti shabu, P500 buy bust money.
Iti agdama ket maisagsaganan ti pannakaidatag ti kaso a panaglabsing iti RA 9165 wenno Comprehensive Dangerous Drugs Act kontra iti suspek.
