LA UNION – Umaboten ti 111 dagiti nailista a natay iti maibilbilang a deadliest wildfire in US history, bayat a sangaribu pay iti makunkuna a mapukpukaw idiay estado ti Hawaii.
Maibasar iti report ni Bombo International News Corresspondent Paul John Castillo, iti kalawa ti nauram a paset ti Lahaina ket kas kalawa ti siyudad ti San Fernando.
Kadagiti 111 a bilang dagiti natay, 5 pay laeng kadagitoy ti nabigbig, agsipudta parigat ti panang-identify kadagiti kaadwan a bangkay kalpasan a nauram dagitoy.
Impadamag ni Castillo, nga umad-adun iti tulong a sumangsangpet idiay Maui, manipud kadagiti taraon, agas, ken dadduma pay a pagkasapolan dagiti biktima ti wildfire, malaksid laeng kadagiti tumultulong a responders.
Numan adda pay laeng dagiti mapatto-pattok nga uram kangrunaanna kadagiti lugar a narigat a madanon dagiti fire fighters, dackelen a paset ti multiple wildfires iti na-contain.
