LA UNION – Imbilin ni Canlaon City, Negros Oriental Mayor Jose Cardenas ti evacuation iti uppat a barangay a sakop ti danger zone kasaruno ti explosive eruption iti Mt. Kanlaon idi rabii.
Dagiti lugar a nabilin a mangipatungpal ti panagakar ket iti Barangay Masulog, Malaiba, Lumapao, ken Pula idiay siyudad ti Canlaon.
Nabagaan pay dagiti civil aviation authorities a pawilan pay laeng dagiti piloto nga agpatayab ken umasideg iti summit ti bulkan.
Nangiruar ti alerto iti Philippine Institute of Volcanology and Seismology (Phivolcs) kalpasan a bimtak iti Mt. Kanlaon a masarakan idiay Negros Island.
Iti panagbettak idi rabii ti Kanlaon Volcano, nakita iti naipugso a 5,000-meter plume.
Segun iti Phivolcs, agtalinaed iti Alert Level 2 iti bulkan ken iti aglawlaw daytoy.
