LA UNION – Naipasidong iti state of calamity iti Canlaon City idiay probinsiya ti Negros Occidental kasaruno ti “explosive eruption” ti Kanlaon Volcano idi rabii ti Lunes, Hunyo 3, segun iti Office of Civil Defense (OCD).
Gapu iti nasao nga “explosive eruption” ken volcanic activities, impangato ti Philippine Institute of Volcanology and Seismology (Phivolcs) iti Alert Level 2 manipud Alert Level 1, naibilin ti mandatory evacuation kadagiti asideg a residente .
Sakbay dayta, indaulwan ni Canlaon City Mayor Jose Chubasco Cardenas iti maysa a local disaster risk reduction and management meeting ket natalantan da iti rekomendasyon nga i-deklara ti state of calamity iti siyudad.
Lima a barangay iti nasao a siyudad iti apektado ti panagbettak ti bulkan, a pakaibilangan ti Pula, Masulog, Malaiba, Lumapao ken Linothangan.
Idi agsapa ti Martes, umabot iti 1,562 nga indibidwal wenno 210 a pamilya idiay probinsiya ti Negros Occidental ti naiyakar iti evacuation center kasaruno iti panagbettak ti bulkan, segun iti Provincial Disaster Risk Reduction and Management Council.
Iti deklarasyon ti state of calamity iti mangipaluvos iti provincial government a mangusar iti quick response funds ken makontrol ti presyo dagiti basic goods.
