LA UNION – Lalo a pimmaspas iti garaw ti bagyo Gardo bayat nga agtur-turong iti amianan-a-daya ti extreme northern Luzon.
Segun iti PAGASA, nakita iti sentro ti bagyo iti kaadayu a 885 km daya amianan-a-daya ti Extreme Northern Luzon.
Kabuyog na iti kapigsa ti angin a 55 kilometers per hours ken kapegges a dumanon iti 70 kph.
Base iti report, awan unay iti agbalin nga epekto ti nasao a bagyo iti kadagaan ken uray iti kabaybayan ti pagilian a Pilipinas.
Namnamaen a makitipon iti bagyo Gardo iti maysa pay a bagyo a Henry iti uneg ti 12 nga oras.
Iti kauddian a monitoring ti PAGASA iti super typhoon Henry, nakita iti sentro daytoy iti kaadayu a 530 km daya amianan-a-daya ti Itbayat Batanes.
Agtaltalinaed met iti kapigsa daytoy a 185kph ken kapegges a dumanon iti 230kph.
Makapadas iti napigsa a panagtudo idiay parte na ti Batanes ken Babuyan Island inton bigat, aldaw ti Biyernes.
Ngem manamnama nga agtultuloy a kumapsot ti bagyo inton Domingo Setyembre 4 wenno Lunes, Setyembre 5.
