LA UNION – Inaprubaran ti US State Department iti posible a panagilako ti drones ken missiles iti Taiwan a mapatta-patta nga agbalor ti $360 million segun iti Defense Security Cooperation Agency ti Pentagon.
Iti US ket nakatali iti linteg para iti panangipaay ti tulong iti Taiwan tapno protektaran iti teritoryo da laksid ti kaawan ti pormal a diplomatikon a relasyon dagitoy.
Iti nasao nga addang ket iti tengnga ti napairutan a military pressure ti China kontra Taiwan kabilang iti panangiyuswat dagitoy ti war games iti aglawlaw ti self-rules island idi napan a bulan kalpasan ti inagurasyon ti baro a Presidente ti Taiwan a ni Lai Ching-Te.
Kabayatanna, imbaga ti Pentagon a makatulong ti nasao nga arm sale tapno mapapigsa ti seguridad ti Taiwan ken panangmantinir ti political stability, military balance ken panagdur-as iti ekonomiya ti rehiyon.
Kabilang dagiti armas a posible nga ipaay ti US iti Taiwan ket iti Switchblade 300 anti-personnel ken anti-armor loitering munitions ken dadduma pay nga arwaten nga agbalor ti mapatta-patta a $60.2 million, iti ALTIUS 600M-V drones ken related equipment nga agbalor ti $300 million.
