LA UNION – Agtaltalinaed a napigsa iti bagyo Aghon ken pimmaspas bayat nga agtultuloy a puman-panaw iti pagilian.
Itay alas tres ti parbangon, iti sentro ti Typhoon “AGHON” ket nasaripatpatan iti kaadayo a 850 km daya amianan-a-daya ti Extreme Northern Luzon kabuyog na iti kapigsa ti angin a 130 km/h asideg iti sentro ken kapegges a dumanon iti agingga 160 km/h.
Dup-dupagenna iti amianan-a-daya a direksiyon iti kapartak a 40 kilometro kada oras.
Maibasar iti track forecast, iti Typhoon AGHON ket namnamaen a rumwar iti PAR ita nga aldaw.
Kabayatanna, dua pay a weather condition iti mangapektar ken mangigubway ti nalulem ken natudo a panawen ditoy Pilipinas.
Iti Southwesterly Windflow a pinapigsa ti bagyo Aghon ket mangigubway ti mawaras-waras a panagtudo ken panaggurru-od idiay Metro Manila, Ilocos Region, Central Luzon, Western Visayas, Zamboanga Peninsula, Basilan, Sulu, Tawi-Tawi, Palawan, Occidental Mindoro, Cavite, Batangas, Laguna, ken Rizal.
Mangigubway met ti mawaras-waras a panagtudo ken panaggurru-od iti Frontal System idiay Batanes ken Babuyan Islands.
Bayat nga iti nabatbati a paset ti pagilian ket makapadas ti mapatto-pattok a panagtudo ken panaggurru-od iti malem wenno rabii gaputi Localized Thunderstorms.
