Dimmanonen iti nasurok ₱19.5-M a gatad ti humanitarian assistance ti naipatulod ti Department of Social Welfare and Development kadagiti Local Government Units a naapektaran ti bagyong Nika ken bagyong Ofel.
Segun iti ahensya, buklen daitoy a humanitarian assistance kadagiti Family Food Packs a naipaay kadagiti nasurok 9k a pamilya nga agdama paylaeng ga agtaltalinaed kadagiti evacuation centers.
Nangipaay pay iti DSWD ti tulong pinanasyal kadagiti apektado a pamilya babaen ti Assistance to Individuals in Crisis Situation.
Maibasar ti datos ti ahensya, manipud Nobiembre 14 ket dimmanonen iti nasurok 109,415 a pamilya wenno katupag iti 421,000 nga indibidwal ti nairekord nga apektado dagiti nagsasaruno a didigra ditoy pagilian.
Immuna iti daitoy ket nagyaman ni DSWD Secretary Gatchalian iti Department of Budget and Management gapo iti nasapa a panangi-release ti kanayunan a pondo para iti replenishment of Quick Response Funds.
Padpadarasen da pay dagiti amin a regional offices iti panangipatulod kadagiti Family Food Packs kadagiti probinsya nga apektado iti agdama bagyong Pepito.
