BR LA UNION – Natiliwen dagiti otoridad iti maysa a 19-anyos a lalaki a maibilang a Most Wanted Person idiay ili ti Bauang.
Ti suspek a residente ti Barangay Payocpoc Norte Oeste, Bauang, La Union ket naarestar idi kalman Oktubre 21, 2025 babaen iti bileg ti warrant of arrest nga inserbi dagiti arresting officers.
Iti kaso ti suspek ket panaglabsing iti Section 5, Article II iti Comprehensive Dangerous Drugs Act of 2002 in relation to Section 26.
Iti ballaygi nga operasyon ket mangipak-pakita iti napasnek a commitment ti Bauang Police Station ken La Union Police Provincial Office a papigsaen ti kampanya kontra iligal a droga ken mapag-sungbat dagiti indibiduwal a nakaaramid ti panaglabsing iti linteg.
