Saan a madanagan ni Presidente Ferdinand Marcos Junior iti waragawag ni Bise Presidente Sara Duterte a maibilang kas “impeachable offense” ti addang ti gobierno mainaig iti panangi-surrender kenni sigud a Presidente Rodrigo Roa Duterte sadiay International Criminal Court (ICC).
Segun kenni Palace Press Officer Undersecretary Claire Castro, saan a nakikoordinar ti gobierno iti ICC agsipud ta awan met ti hurisdiksyon na ditoy Pilipinas ken saan met a miembro ti pagilian iti Rome Statute.
Impaganetget ni Castro nga uray awan ti inruar a surat ti Presidente a nagkuna a maprotektaran ni FPRRD manipud ti pangta ti ICC ket sigurado a saan latta a makibibiyang ti gobierno iti mandato ti international court.
Daitoy ti sungpat ti Palasyo ti impila a mosyon dagiti abogado ni Duterte sadiay ICC a kumidkiddaw a maibasuran dagiti reklamo kenkuana gapo iti kaawan ti legal a basaran ken panangdakamat iti surat idi ni Presidente Marcs Junior a saan pulos isuna a makikoordinar ti ICC.
