Inaklon ti Department of Justice iti limistasyon wenno kabaelan dagiti otoridad iti panangisayangkat ti DNA testing kadagiti narekobre a rurog manipud iti Taal Lake.
Maibasar iti imbinglay a mensahe ti agdama a tagapagsarita ti ahensya a ni Assistant Secretary Mico Clavano, inaklon na dagiti karit a sangsangwen partikular iti kapasidad ti panangisayangkat ti DNA-testing.
Daytoy ket kasaruno ti anunsyo ti Philippine National Police (PNP) a napaay daytoy a makabirok ti DNA profile, rason no apay ta makikokoordinar dan iti pagilian a Japan.
Segun kenni Secretary Jesus Crispin Remulla, pappapartaken nan iti panangresolba iti panakapukaw dagiti sabungero.
Impaganetget na a mano tawen dan a tinutukan daytoy ken impanakkel nga asidegen iti panangipila ti complaint kontra kadagiti karaman ti nasao nga isyu.
Mamati ti sekretaryo a rumuar dagiti sumagmamano a ‘witnesses’ iti oras a maipilan iti reklamo bayat nga agtultuloy iti case buildup.###
