BR LA UNION – Natay dagiti tallo a drug suspect kalpasan a nakipinnaltog da kadagiti pulis idiay Quezon City idi malem kalman, Martes.
Segun iti Philippine National Police Drug Enforcement Group (PNP), sumagmamano nga aldaw a nangisayangkat da ti operasyon agingga a napagnumwan dagiti suspek ken pulisiya nga agsarak da idiay Barangay Socorro idiay Cubao.
Segun kenni PNP DEG Director Brig. Gen. Elmer Ragay, nakatunog dagiti suspek isunga pinaltugan da dagiti operatiba agingga a natay dagiti tallo a suspek.
Natamaan ti naiyaw-awan a bala ti maysa a sibilyan ngem awan ti nasugatan kadagiti operatiba.
Nakakumpiskar dagiti pulis ti sumagmamano nga iligal a droga ken paltog nga inusar dagiti suspek.
Naiturong iti ospital ti nasugatan a sibilyan ken agpapa-imbag itan daytoy.
