LA UNION – Balligi a naarestar ti Top 1 Most Wanted Person Provincial Level idiay Barangay Talogtog, San Juan, La Union idi kalman, Pebrero 24, 2026.
Nabigbig iti suspek nga agtawen ti 34, awanan asawa, self-employed, ken residente ti Nagsabaran, San Juan, La Union.
Tiniliw isuna dagiti operatiba manipud San Juan Municipal Police Station (MPS) kadua dagiti personnel ti LUPIU, RIU-LUPIT, TSC-RMFB1, LUPIDMU, ken RID PRO1.
Naarestar isuna babaen iti bileg ti Warrant of Arrest (WOA) gapu ti crime of Rape (RPC Art 266-A) a napetsaan ti Pebrero 23.
Awan ti nairekomenda a piyansana.
Ti suspek ket adda itan iti kustodiya ti San Juan MPS.
(Reference: Police Report from San Juan MPS)
