Adu a pagilian ti nagpanawagan para ti Afghanistan ken Pakistan a maaddaan ti nakapia a diskusyon kasaruno ti agtultuloy a tensyon a nakatayanen dagiti ginasut nga indibidwal.
Karaman kadagiti nagpanawagan a pagilian ket ti Iraq, Qatar, Egypt, Türkiye, agraman International Committee of the Red Cross (ICRC).
Manipud pay idi napalabas a tawen ket nangipatpatayaben kadagiti air strikes ti Pakistan idiay Afghanistan. Idi agangay ket nakiballaet ti Qatar para ti posible a ceasefire.
Nupay kasta, kadagiti laeng naglabas a lawas ket napartuat manen dagiti panagraut idiay Pakistan ken na-target dagiti kuta ti miembro ti terorista nga ISIS, nga isu’t pabpabasolen da ti napasamak a suicide bombing iti pagilian da.
