BR LA UNION – Inaprubaran ti Land Transportation Franchising and Regulatory Board (LTFRB) ti panagngato ti plete iti pampubliko a transportasyon partikular iti jeep ken bus gapu iti nagsasaruno a big time oil price hike.
Segun iti LTFRB, siguradon ti panagngato ti plete ngem maipas-pasidong pay laeng iti justification iti Department of Transportation (DOTr) nu mano ti maipatungpal a fare hike.
Malaksid dayta, imbaga pay ti LTFRB a sakop ti fare hike ti amin a nangidatag ti petisyon ngem saan pay a karaman iti anunsiyo dagiti taxi ken UV Express kalpasan a nangipasa da ti bukod a petisyon itay nabiit.
Inlawlawag ti ahensya, kasapolan a dumalan ken ipasidong pay iti hearing ken nationwide consultation program sakbay a naan-anay a maaprubaran.
Kabayatanna, nakatuding a maipatungpal inton bigat, Martes, Marso 17 nu mano ti ngumatuan ti plete iti pampubliko a transportasyon.
