Balligi a nakasubli ti Artemis II ditoy lubong kalpasan ti historiko a panagdisso iti kabaybayan, asideg ti San Diego, California.
Ti intero a team ket adda iti uneg ti Integrity Capsule, kalpasan ti misionda iti bulan.
Dagiti uppat nga astronaut ket isuda: Reid Wiseman, Victor Glover, Christina Koch, ken Jeremy Hansen, kalpasan ti siam nga aldaw a panagdalyasatda iti aglawlaw ti bulan, a mangmarka iti baro a paset iti programa ti NASA Artemis.
Manipud ti kapartak a 23,000mph (37,000km/h) a panagserrek iti atmospera, bimmuntog iti kapsula babaen iti tulong ti multi‐stage parachute system aginggana iti 20–30km/h sakbay a nagdisso iti baybay.
Dagus a rimusponde ti U.S. Navy manipud USS John P. Murtha tapno pasungadan dagiti crew para iti medical examination ken recovery operations.
Nagballigi ti mision a mangpadas dagiti sistema ti Orion spacecraft ken isagana iti sumaganad nga addang nga agturong iti panagdisso manen dagiti tattao iti bulan.
Iti pakabuklan, nagdaliasat ti Artemis II iti nasurok nga 400,000 kilometro, ken nangipaay dagiti ladawan a naala manipud iti panagrikus ti bulan, agraman ti buya ti “Earthset.”
Ti naballigi a panagsubli ti Artemis II ket simbolo ti baro a namnama iti baro a panawen ti exploration iti law-ang—pammaneknek a nakasagana manen ti sangatauan a bumaddek iti bulan.###
