Pinasingkedan ti National Bureau of Investigation (NBI) nga ibilbilang dan kas “person of interest” ni Senador Robin Padilla mainaig iti panagpukaw ni Senador Ronald “Bato” dela Rosa kasaruno a nakalibas daitoy paruar ti Senado, parbangon ti Huwebes.
Segun kenni NBI Director Melvin Matibag, ni Padilla ti kaudian a kadwa ni Dela Rosa sakbay a napukaw daitoy iti uneg ti Senado.
Gapo kadaitoy ket karaman isunan kadagiti kasapulana a madamag ken maimbestigaran nu sadinno iti napnapanan ti Senador.
Nakalibas ni Senador Dela Rosa sumagmamano nga oras kalpasan pinnaltog idiay uneg ti Senado idi rabii ti Miyerkules.
Nakapasidong isuna ti “protective custody” mainaig iti arrest warrant manipud International Criminal Court gapo iti panagbalin kas co-perpetrator ti crimes against humanity iti war on drugs idi napalabas nga administrasyon.
Kinuna pay ni Matibag nga adda iti panagdudua dagiti ahente da a posible a nausar kas “diversion” iti pinnaltog tapno maitakas ni Senador Dela Rosa.
Agtultuloy iti koordinasyon ti NBI sadiay Department of Justice kabayatan ti imbestigasyon iti insidente.
