Inikkaten ti Estados Unidos iti naval blockade kontra Iran kalpasan a nagperma ti dua a pagilian ti katulagan a pababaen ti tension idiay Middle East.
Gapo kadaitoy ket naluktan manen iti Strait of Hormuz para ti sangalubongan a komersio ken panangibiahe ti langis.
Karaman iti katulagan ti panangipasardeng ti operasyon-militar ti Estados Unidos, kasukat ti panagtungpal ti Iran kadagiti kondisyon.
Sumagmamano kadagitoy ket ti panangdadael kadagiti pasilidad ti enriched uranium ken talnaanen ti panagsuporta kadagiti armado a grupo nga kaalyado da, a kas ti Hezbollah ken Hamas.
Nupay adda dagiti panagdudua ket pinalubosan ni Iran Supreme Leader Mojtaba Khamenei ti panagtuloy iti katulagan.
Pinaregta ni US President Donald Trump amin a partido a raemen ti ceasefire tapno agraira ti saritaan kinakapia.
Mainaig na ket suportado met ni Israeli Prime Minister Benjamin Netanyahu ti adding, nupay adda dagiti panagkontra manipud kadagiti opisyales ti gabinete na.
Nakailanad iti katulagan ti panangipasadeng para ti Iran a maaddaan ti nuclear weapon ken ti panangidatag ti $300B a pondo para ti panagbangon ti ekonomiya na.
Iti sabali a bangir ket agtultuloy latta ti gyera ti nagbaetan ti Israel ken Hezbollah idiay Lebanon, nu sadinno ket nagduma iti interpretasyon ti Israel ken Iran nu masakopan iti katulagan da iti gyera dagiti nasao a Partido.
